నిదురించే తోటలోకి పాట ఒకటి వచ్చింది...కన్నుల్లో నీరు తుడిచి కమ్మటి కల ఇచ్చింది..

Friday, September 21, 2012

ఐ పాడ్ , ఐ ఫోన్ ల్లో సారంగ బుక్స్ లభ్యం


సారంగ పుస్తక ప్రచురణలు నవంబర్, 2010 లో ప్రారంభించినప్పుడు తెలుగు పుస్తకాలను కేవలం ప్రింట్ రూపం లోనే కాకుండా యాపిల్  ఐ బుక్స్,  ఇతర ఈ బుక్స్ గా  కూడా అందివ్వాలని సంకల్పించాము. ఆ చిరకాల స్వప్నం ఇవాళ సాకారమయింది. సారంగ ప్రచురణలు యాపిల్ ఐ బుక్స్ ప్లాట్ ఫారం లో కూడా సెప్టెంబర్ 20,2012 నుంచి  లభ్యమవుతున్నాయని సగర్వంగా, సంతోషంగా తెలియచేస్తున్నాము. సారంగ సంస్థ నుంచి ప్రచురితమైన ప్రతిష్టాత్మక పుస్తకాలు తన్హాయి , యమకూపం నవలలు ఇప్పుడు ఐపాడ్, ఐ ఫోన్, ఐ పాడ్ టచ్  లేదా ఏదైనా ఐఓఎస్ సాధనం ( డివైస్) లో చదువుకోవచ్చు. ఈ ఐ పుస్తకాలను సారంగ వెబ్ సైట్ లో అందచేసిన లింక్ ద్వారా యాపిల్ ఐ బుక్ స్టోర్ నుంచి కొనుగోలు చేసుకోవచ్చు. యాపిల్ ఐ బుక్ స్టోర్ నుంచి కొనుగోలు చేసుకోవటం తో పాటు,  చదివాక పుస్తకం ఎలా ఉందో రివ్యూ చేసే అవకాశాన్ని కూడా సద్వినియోగం చేసుకోవచ్చు. త్వరలో సారంగ తొలి ప్రచురణ, అఫ్సర్, వంశీకృష్ణ ల సంపాదకత్వం లో వెలువడిన కవిత్వ సంకలనం “అనేక”  కూడా ఐ బుక్స్ లో అందుబాటు లోకి వస్తుంది.
యాపిల్ ఐ బుక్స్ ప్లాట్ ఫారం లో తెలుగు పుస్తకాలు అందుబాటు లోకి రావటం అటు తెలుగు సాహిత్యానికి, ఇటు సారంగ ప్రచురణలకుకూడా ఓ శుభ వార్త. తెలుగు సాహిత్య ప్రచురణ రంగం లో ఈ ఐ బుక్స్  అతి పెద్ద మలుపు. మంచి తెలుగు పుస్తకాలను మరిన్ని ఇతర డిజిటల్ ప్లాట్ ఫారమ్స్ లోకి కూడా అందుబాటు లోకి తెచ్చే ప్రయత్నం లో సారంగ కు తెలుగు పాఠకుల ఆదరాభిమానాలు నిరంతరం అండగా నిలుస్తాయని ఆశిస్తున్నాము.
నోట్ : ప్రస్తుతానికి ఈ ఐ బుక్స్ కొనుగోళ్ళు  ఇండియా బయట మాత్రమే సాధ్యం . ఇండియా లో వున్న వారు ఈ అవకాశాన్ని ఎప్పుడు ఉపయోగించుకోవచ్చు అనేది యాపిల్ సంస్థ నిర్ణయాలపై ఆధారపడి ఉంటుంది.
యాపిల్ ఐ బుక్స్ కొనుగోళ్ళు, మొదలైన వాటి గురించి మీ అభిప్రాయాలూ, సలహాలు, సందేహాలు మాతో పంచుకుంటారని ఆశిస్తున్నాము. సంప్రదించాల్సిన ఈమైల్ kalpana@saarangabooks.com
తన్హాయి ఐ బుక్ కొనుక్కునే లింక్ ఇది 
 యమకూపం ఐ బుక్ కొనుక్కునే లింక్ ఇది 
 
Real Time Web Analytics