ఐ పాడ్ , ఐ ఫోన్ ల్లో సారంగ బుక్స్ లభ్యం

సారంగ పుస్తక ప్రచురణలు నవంబర్, 2010 లో ప్రారంభించినప్పుడు తెలుగు పుస్తకాలను కేవలం ప్రింట్ రూపం లోనే కాకుండా యాపిల్  ఐ బుక్స్,  ఇతర ఈ –బుక్స్ గా  కూడా అందివ్వాలని సంకల్పించాము. ఆ చిరకాల స్వప్నం ఇవాళ సాకారమయింది. సారంగ ప్రచురణలు యాపిల్ ఐ బుక్స్ ప్లాట్ ఫారం లో కూడా సెప్టెంబర్ 20,2012 నుంచి  లభ్యమవుతున్నాయని సగర్వంగా, సంతోషంగా తెలియచేస్తున్నాము. సారంగ సంస్థ నుంచి ప్రచురితమైన ప్రతిష్టాత్మక పుస్తకాలు తన్హాయి , యమకూపం నవలలు ఇప్పుడు ఐపాడ్, ఐ ఫోన్, ఐ పాడ్ టచ్  లేదా ఏదైనా ఐఓఎస్ సాధనం ( డివైస్) లో చదువుకోవచ్చు. ఈ ఐ పుస్తకాలను సారంగ వెబ్ సైట్ లో అందచేసిన లింక్ ద్వారా యాపిల్ ఐ బుక్ స్టోర్ నుంచి కొనుగోలు చేసుకోవచ్చు. యాపిల్ ఐ బుక్ స్టోర్ నుంచి కొనుగోలు చేసుకోవటం తో పాటు,  చదివాక పుస్తకం ఎలా ఉందో రివ్యూ చేసే అవకాశాన్ని కూడా సద్వినియోగం చేసుకోవచ్చు. త్వరలో సారంగ తొలి ప్రచురణ, అఫ్సర్, వంశీకృష్ణ ల సంపాదకత్వం లో వెలువడిన కవిత్వ సంకలనం “అనేక”  కూడా ఐ బుక్స్ లో అందుబాటు లోకి వస్తుంది.

యాపిల్ ఐ బుక్స్ ప్లాట్ ఫారం లో తెలుగు పుస్తకాలు అందుబాటు లోకి రావటం అటు తెలుగు సాహిత్యానికి, ఇటు సారంగ ప్రచురణలకుకూడా ఓ శుభ వార్త. తెలుగు సాహిత్య ప్రచురణ రంగం లో ఈ ఐ బుక్స్  అతి పెద్ద మలుపు. మంచి తెలుగు పుస్తకాలను మరిన్ని ఇతర డిజిటల్ ప్లాట్ ఫారమ్స్ లోకి కూడా అందుబాటు లోకి తెచ్చే ప్రయత్నం లో సారంగ కు తెలుగు పాఠకుల ఆదరాభిమానాలు నిరంతరం అండగా నిలుస్తాయని ఆశిస్తున్నాము.

నోట్ : ప్రస్తుతానికి ఈ ఐ బుక్స్ కొనుగోళ్ళు  ఇండియా బయట మాత్రమే సాధ్యం . ఇండియా లో వున్న వారు ఈ అవకాశాన్ని ఎప్పుడు ఉపయోగించుకోవచ్చు అనేది యాపిల్ సంస్థ నిర్ణయాలపై ఆధారపడి ఉంటుంది.

యాపిల్ ఐ బుక్స్ కొనుగోళ్ళు, మొదలైన వాటి గురించి మీ అభిప్రాయాలూ, సలహాలు, సందేహాలు మాతో పంచుకుంటారని ఆశిస్తున్నాము. సంప్రదించాల్సిన ఈమైల్ kalpana@saarangabooks.com

తన్హాయి ఐ బుక్ కొనుక్కునే లింక్ ఇది 

http://www.saarangabooks.com/our-books/tanhayi 

 యమకూపం ఐ బుక్ కొనుక్కునే లింక్ ఇది 

http://www.saarangabooks.com/our-books/yamakoopam

Saaranga Books is Hiring in Hyderabad

Saaranga Publications is looking to hire one person for an operations manager plus proof editing tasks. This person should be based in Hyderabad. The essential tasks that this person is expected to do are as follows:

- Manage Saaranga books affairs as per Publisher's instructions, including working with and managing relations with printers, distributors, online and retail book sellers

- Perform initial copy editing and proof checking for Telugu books that are published by Saaranga

- Work with composing / typesetting service companies to make sure Saaranga jobs are completed in a timely fashion

- As a rule this job requires frequent communication with the Publisher in the U.S., over phone, email, and instant messaging means. Saaranga places the highest priority to the professional communication skills above every other technical skill for this job. 

- In general, ability to use Microsoft Word or any other document preparation software will be a minimum computer skill required. Ability to type in Telugu will be necessary for this job, but it is not necessary to start this job. 

- Please contact Raj Karamchedu, Publisher of Saaranga Books, at raj@saarangabooks.com with your background information including the phone number where you can be reached.

ప్రవాసాంధ్రుల కోసం అమెజాన్ లో తన్హాయి, యమకూపం

సారంగ పబ్లికేషన్స్ప తాజా ప్రచురణలు ” తన్హాయి’, ’ యమకూపం’ పుస్తకాలు అమెజాన్ లో దొరుకుతున్నాయి. ఇండియా వెలుపల నివసించే వారు అమెజాన్ ద్వారా ఈ రెండు పుస్తకాలను ఆర్డర్ చేసి తెప్పించుకోవచ్చు. ఒక్కో పుస్తకం ధర $9.95 . అమెజాన్ లో తన్హాయి, యమకూపం పుస్తకాల లింక్ లు ఇవి.

http://www.amazon.com/Tanhayhttp://www.blogger.com/img/blank.gifihttp://www.blogger.com/img/blank.gif-Telugu-Kalpana-Rentala/dp/0984576215/ref=sr_1_4?s=books&ie=UTF8&qid=1323821110&sr=1-4


http://www.amazon.com/Yamakoopam-Telugu-Aleksandr-Kuprin/dp/0984576223/ref=sr_1_5?s=books&ie=UTF8&qid=1323821110&sr=1-5

వ్యవస్థ వికృత రూపాన్ని బట్ట బయలు చేసిన క్లాసిక్ రష్యన్ నవల “ యమకూపం”

వందేళ్ల నాటి జెన్నీ...నేటి నళిని....

“ నళినీ జమీలా అనే ఓ సెక్స్ వర్కర్ ఇటీవల తన ఆత్మకథ రాశారు. ఆ పుస్తకాన్ని ఇంగ్లీష్ నుండి అనువదిస్తున్న రోజుల్లో, కొన్ని వాక్యాల దగ్గర హఠాత్తుగా ఆగిపోతుండేదాన్ని. నళిని చెప్పిన అవే అనుభవాలు, అవే పరిశీలనలు గతంలో ఎక్కడో చదివానని అనిపించేది. కుప్రిన్ 'యమా ద పిట్'కు రెంటాల గోపాలకృష్ణ అనువాదం 'యమకూపం' చాలా కాలం తర్వాత ఇప్పుడు మళ్లీ చదువుతుంటే, ఆ పోలికలు ఎక్కడివో స్పష్టపడింది. నళిని జీవితంలోని ప్రతి అనుభవానికీ ప్రతీక లనదగిన ఎందరో స్త్రీలు ఈ నవలలో ఎదురవుతారు. వందేళ్ల క్రితమే వాళ్లు పలికిన మాటలన్నీ నళిని గొంతులో ప్రతిధ్వనించాయి. మరీ ముఖ్యంగా, కుప్రిన్ సృష్టించిన జెన్నీ మరీ మరీ గుర్తొస్తుంది నళినిని చదువుతుంటే!”

కొందరి స్త్రీల జీవితాల్లో ఎలాంటి మార్పులు రాకుండా...
వందేళ్ళ నాటి ప్రశ్నలు ఇప్పటికీ సజీవంగా నిలిచి ఉన్నాయి ఎలాంటి సమాధానాలు లేకుండా...
యమకూపం పుస్తకం కోసం సమకాలీన సందర్భాన్ని వివరిస్తూ కాత్యాయని రాసిన ముందు మాట ని ఇక్కడ చదవండి.

అలెక్జాందర్ కుప్రిన్ రాసిన రష్యన్ క్లాసిక్ నవల “ యమా ది పిట్” కి తెలుగు అనువాదం “ యమకూపం” ను సారంగ బుక్స్ వారు ఆన్ కోర్ సిరీస్ లో తొలి పుస్తకంగా నూతన సంవత్సర కానుకగా సాహితీ ప్రియులకు అందిస్తున్నారు. ప్రముఖ పుస్తకాల షాపులన్నింటి లో ఈ పుస్తకం దొరుకుతుంది. ఈ పుస్తకానికి మధురాంతకం నరేంద్ర, కాత్యాయని రాసిన ముందుమాటలు విశ్వ సాహిత్యం లో ఈ పుస్తకానికి వున్న విలువైన స్థానాన్ని, సమకాలీన సందర్భాన్ని కూడా తెలియచేస్తాయి. అర్థ శతాబ్దం గా ఈ పుస్తకం తెలుగు సాహిత్యం లో తనదైన విశిష్ట స్థానాన్ని నిలుపుకుంది. ఈ తాజా ముద్రణ ను కూడా సారంగ ఇతర ప్రచురణల్లాగా ఆదరిస్తారని ఆశిస్తున్నాము.

పుస్తక రూపంగా “ తన్హాయి”

ప్రేమ ఎప్పుడూ ఓ కొత్త పదం, ఓ కొత్త భావన.కానీ ఆమె—అతను ఎప్పుడూ ఓ కొత్త సంఘర్షణ. ఈ కాలం లో అది ఇంకో సంఘర్షణ, ఇంకో భావన. మారుతున్న కాలపు కథ, మారుతున్న సంఘర్షణ కు అక్షర రూపం “ తన్హాయి”.

దాదాపుగా ఏడాది క్రితం ఈ బ్లాగు లో మీ అందరి ఆదరాభిమానాల మధ్య పూర్తయిన సీరియల్ “ తన్హా యి “ ఇప్పుడు పుస్తక రూపం లో మార్కెట్ లో విడుదలయింది. హైదరాబాద్, విజయవాడ, వైజాగ్ ల్లోని ప్రముఖ బుక్ స్టాల్స్ అన్నింటి లో కూడా తన్హాయి లభ్యమవుతోంది.
బ్లాగు లో వచ్చిన సీరియల్ కి అదనంగా రెండు, మూడు భాగాలు , ప్రముఖ రచయితలు పి.సత్యవతి, వంశీ కృష్ణ ల వెనుక మాటలు ( ఆఫ్టర్ వర్డ్స్ ) ఇంకా కొద్ది మంది బ్లాగర్ ల కామెంట్లతో ఆకర్షణీయమైన ముఖ చిత్రం తో తన్హాయి మీ ముందుకు వచ్చింది.సీరియల్ గా ఈ బ్లాగు లో వచ్చినప్పుడు ఆదరించినట్లే పుస్తకాన్ని కొని చదివి మీ అభిప్రాయాలను తెలియచేస్తారని ఆశిస్తున్నాను.
ప్రస్తుతం జరుగుతున్న వైజాగ్ బుక్ ఫెస్టివల్ లోనూ, డిసెంబర్ 15 నుంచి జరగనున్న హైదారాబాద్ బుక్ ఫెస్టివల్ లోనూ, జనవరి 1 నుంచి జరగనున్న విజయవాడ బుక్ ఫెస్టివల్ లో కూడా పాలపిట్ట , అలకనంద ( అశోక్ బుక్ సెంటర్), నవోదయ, విశాలాంధ్ర బుక్ స్టాల్స్ లో తన్హాయి దొరుకుతుంది. విదేశాల్లోని వారు నేరుగా సారంగ బుక్స్ నుంచి కానీ (info@saarangabooks.com ) అమెజాన్, ఏవికెఎఫ్ ల నుంచి కానీ కొనుక్కోవచ్చు.

సారంగ వెబ్సైట్ ప్రారంభం!

మంచి సాహిత్యాన్ని పాఠకుల దగ్గరకు తీసుకెళ్ళాలన్న సదాశయం తో ప్రారంభించిన ప్రచురణ సంస్థ సారంగ. తెలుగు నేలకు దూరంగా బతుకుతున్నప్పటికీ తెలుగు సాహిత్యం గురించి మరిచిపోకుండా ఎంతో ప్రేమ తో, అభిమానం తో , ఎన్నో లక్ష్యాలతో మా స్నేహితుడు రాజ్ కారంచేడు ఈ “ సారంగ”కు శ్రీకారం చుట్టారు.

సారంగ పబ్లిషింగ్ సంస్థ మంచి రచయితల కోసం, మంచి పాఠకుల కోసం ఎదురుచూస్తోంది. ప్రస్తుతం అందుబాటు లో లేని పాత రచనలను పునర్ముద్రించాలనుకుంటోంది. ఇతర భారతీయ భాషలతో పాటు, ప్రపంచం లోని ఇతర దేశాలకు సంబంధించిన క్లాసిక్స్ ని, ఇప్పుడు ఆయా భాషల్లో వస్తున్న సమకాలీన సాహిత్యాన్ని తెలుగు లో అందించాలన్నది సారంగ ప్రయత్నం. ఇది వినటానికి, చెప్పటానికి బావుంటుంది.కానీ ఆచరణ లోకి వచ్చేటప్పటికి ఎంత కష్టమో మీ అందరికి తెలియనిది కాదు. ఈ బృహత్కార్యం లో మీ అందరి సహాయ సహకారాలు కావాలి. మీరు ఎలాంటి పుస్తకాలు చదవాలనుకుంటున్నారో సూచించండి. మార్కెట్ లో ప్రస్తుతం అందుబాటు లో లేని మంచి పుస్తకాల గురించి మాకు తెలియపర్చండి. వేరే భాష లో మీరేదైనా మంచి పుస్తకం చదివి దాన్ని తెలుగు లోకి అనువదించాలనుకుంటే మమ్మల్ని సంప్రదించండి. వీటన్నింటి తో పాటు మేము ప్రచురించబోయే మంచి పుస్తకాల్ని కొనుక్కొని చదవండి .

సారంగ కి సంబంధించి ఇవి ప్రాధమికమైన ఆలోచనలు. మీ సలహాలతో, సూచనలతో మరింత మెరుగుపరుచుకునే అవకాశం మాకు అందివ్వండి.

తెలుగు సాహిత్యాభిమానులకు సారంగ తొలి కానుక గా “ అనేక” ను అందిస్తోంది. అఫ్సర్, వంశీకృష్ణ ల సంపాదకత్వం లో , 2000 నుంచి 2009 వరకు వచ్చిన తెలుగు కవిత్వంలోని మౌలికమైన మార్పులకు ప్రతిబింబంగా దాదాపు 200 కవితల సంకలనం “ అనేక” త్వరలో మీ ముందుకు రానున్నది. www.saarangabooks.com సందర్శించి మీ ఆశీస్సులు, మీ ఆదరాభిమానాలు, మీ సలహాలు, సూచనలు, మీ అభిమాన పుస్తకాల జాబితాలు మాకు అందచేయండి.

“ సారంగ” ఈ దశాబ్ది కవితా సంకలనం –కవితలకు ఆహ్వానం

సారంగ బుక్స్
ఉత్తమ సాహిత్య ప్రచురణ సంస్థ

----------------------------------------------------------------

ఒక దశాబ్ది కవిత - కవితా సంకలనం 2000-2009


మంచి సాహిత్యాన్ని అచ్చులోకి, అందుబాటులోకి తీసుకురావాలన్న సంకల్పానికి రూపం "సారంగ బుక్స్". మా మొదటి ప్రచురణ 2000 నుంచి 2009 వరకీ వచ్చిన మంచి కవితల సంకలనం. ఈ సంకలనం జూలై మొదటి వారంలో వెలువడుతుంది.
రెండో మిలీనియం తెలుగు కవిత్వంలో కొత్త చేతనకి తలుపులు తీసింది. ఒక వైపు ప్రపంచీకరణ ప్రభావం సృజనాత్మకతని మింగేస్తున్న కాలంలోనే, మరో వైపు కొత్త అభివ్యక్తి గొంతు సవరించుకుంటోంది. ఈ మార్పుని ప్రతిఫలించే ఒక కవితా సంకలనం వెలువరించాలని మా సంకల్పం. ఈ సంకలనంలో 2000 నించీ 2009 వరకూ వివిధ రూపాల్లో - అంటే లిఖిత పత్రికల్లో గానీ, విడి సంకలనాల్లో గానీ, ఇంటర్నెట్లో గానీ - వెలువడిన కవితల్ని మేము ఆహ్వానిస్తున్నాం. ఒక్కొక్క కవి నించి మూడు అత్యుత్తమ కవితల్ని ఆహ్వానిస్తున్నాం. ఈ సంకలనానికి మీరు మీ కవితలతో పాటు మీకు నచ్చిన ఇతరుల కవితల్ని కూడా సూచించవచ్చు. మే ఒకటవ తేదీకల్లా కవితలు పంపండి.
మీ కవితలు ఈమెయిల్ ద్వారా afsartelugu@gmail.com కి పంపండి. మీరు ఈ కవితా సంకలనం కోసం పంపే ఈమెయిల్స్ లేదా ఉత్తరాల మీద "సారంగ బుక్స్" కోసం అని రాయండి.
సాధారణ తపాలా ద్వారా పంపే వారు:
వంశీ కృష్ణ
కేరాఫ్: లక్ష్మీ గణపతి ప్రింటింగ్ ప్రెస్
మండల్ ఆఫీస్ కాంప్లెక్స్, గంపలగూడెం - 521 403
కృష్ణా జిల్లా – (సెల్ నంబరు: 9491959062)- కి పంప వచ్చు.
--------------------------------------------------------------------------------------------