అనేక వాంఛలు

ఒక రాత్రి
ఒక వాంఛ
ఒక దేహం

మల్లెలు మనసై
జాజులు జావళీలై
కన్నులు కనకాంబరాలై
కలువలు కలలై
కన్రేప్పల పానుపు పై
మోహ ప్రవాహ దేహమై
దుఃఖ వస్త్రాల్ని తొలగించే
స్వప్న ధూప లతికనై

నేనే ఓ రాతిరి నై

నేనే మరో రాతిరినై
నేనే ఓ వాంఛ నై
నేనే మరో వాంఛనై

నేనే ఒక దేహాన్నై

నేనే మరో దేహాన్నై
విస్మృతావస్థనై
మెలకువ లోకి వచ్చా
***
పంచభూతాలే
పంచ ప్రాణాలే
పాంఛ భౌతికమే
ఎన్ని చెలమలో
ఎన్ని వాంఛలో!

ఒక్క రాతిరికి ఎన్ని రహస్యాలో!

స్వప్నమో
రాగమో
లీనమో
మోహామో
కోరికెప్పుడూ రాలిపడే వేకువ
వాంఛ ఎప్పుడూ వినిపించని కువకువ

ఇక రాతిరి దాచుకున్న
రహస్య జ్నాపకం ఈ దేహం!