నిదురించే తోటలోకి పాట ఒకటి వచ్చింది...కన్నుల్లో నీరు తుడిచి కమ్మటి కల ఇచ్చింది..

Tuesday, October 19, 2021

వైవిధ్యమైన కల్పన కథలు - నిడదవోలు మాలతి

 



    కల్పనా రెంటాలకి నాపరిచయం అఖ్ఱర్లేదు. నాలుగు దశాబ్దాలుగా కవితలు, కథలు, నవల, విశ్లేషణాత్మక వ్యాసాలు రాస్తున్న రచయిత్రి. పాత్రికేయురాలు. ఈకథలన్నీ విశేషాదరణ పొందినకథలు. ఇతివృత్తాలలో వైవిధ్యం ఉంది. సంఘర్షణ ఉంది. వివాదాస్పదమైన అంశాలు, స్త్రీలసమస్యలు, అమెరికా జీవనసరళి  - ఏ అంశం తీసుకున్నా అనేకకోణాలు పరిశీలించి అవిష్కరించినట్టు కనిపిస్తుంది.

    అసలు అపరక్రియలే తగ్గిపోతున్న ఈరోజులలో అందులో ఒకభాగమైన సంచయనంగురించి ఇంత వివరంగా ఆవిష్కరించినకథ ఇదొక్కటేనేమో. అమ్మకో ఉత్తరం. తల్లి అమెరికా రావడానికి ఏర్పాట్లు చేస్తానంటూనే అమెరికాసౌకర్యాలు వర్ణించడంలో రచయిత్రి ప్రతిభ కనిపిస్తుంది. ఇందులో చక్కని వ్యంగ్యం ఉంది. ఏకథ తీసుకున్నా కథాంశాలలో ఆమె తీసుకున్న శ్రద్ధ కనిపిస్తుంది.


     
తెలుగుభాషమీద మంచిపట్టు గల కల్పన తెలుగుసంస్కృతికి సంబంధించిన ఇతివృత్తాలతో జానుతెలుగులో ఇంకా ఇంకా మంచికథలు రాయగలరనీ ఆశిస్తూ, శుభాకాంక్షలతో

                                                                                    - నిడదవోలు మాలతి

ప్రముఖ రచయిత్రి, అనువాదకురాలు 


0 వ్యాఖ్యలు:

 
Real Time Web Analytics