నిదురించే తోటలోకి పాట ఒకటి వచ్చింది...కన్నుల్లో నీరు తుడిచి కమ్మటి కల ఇచ్చింది..

Friday, August 27, 2010

తెలంగాణా ఉద్యమ గొంతుక మధుప్రియ !





బాల గాయని, వర్ధమాన రచయిత్రి మధుప్రియ గురించి ఇప్పటికే మీలో చాలా మందికి తెలిసే వుంటుంది. నాకు మాత్రం ఇవాళే తెలిసింది. ఆ అమ్మాయి గురించి ఒక స్నేహితురాలు చెప్పగానే యూట్యూబ్ లో వెతికితే ఆ అమ్మాయికి పేరు ప్రఖ్యాతులు తెచ్చిపెట్టిన “ ఆడపిల్లనమ్మా” పాట, అలాగే ఆ అమ్మాయితో ఒక టీవీ ఛానెల్ లో వచ్చిన ఇంటర్వ్యూ , తెలంగాణ ఉద్యమం లో పాల్గొంటూ ఆ అమ్మాయి పాడిన పాటలు అన్నీ దొరికాయి. వరస పెట్టి అన్నీ చూసాను.
ఈ ఇంటర్వ్యూలు ఎప్పుడూ వచ్చాయో నాకు తెలియదు కానీ అప్పుడు మధుప్రియ ఎనిమిదో క్లాస్ చదువుతోందట. అప్పుడు 12 ఏళ్ళున్న మధుప్రియ, తను నాలుగో క్లాస్ లో వున్నపుడు ఈ ఆడపిల్లనమ్మా పాట ని తానే సొంతంగా రాసుకొని పాడిందట. పైగా ఈ పాటకు స్ఫూర్తి మధుప్రియ సొంత జీవితమేనట. నిజంగా ఆడపిల్లనమ్మా పాట మొదటిసారి వింటున్నప్పుడు కళ్లమ్మట నీళ్ళు వచ్చేశాయి. ఆ అమ్మాయి పాట ముందు, ఆ వచన రచన ముందూ నేను సగం జీవితం గడిపాక రాసిన “ నేను కనిపించే పదం” కవిత నిజం గా చిన్నబోతూ కనిపించింది.
ఈ నాలుగు మాటలు మధుప్రియ గురించి నా లాగే ఇప్పటివరకూ తెలియని వారి కోసమే...
మధుప్రియ గురించి ఆమె మాటల్లోనే ఈ ఇంటర్వ్యూల ద్వారా తెలుసుకోండి.
ఉద్యమ కుటుంబ నేపధ్యం నుంచి వచ్చిన మధుప్రియ కలం నుండి, గళం నుండి మరిన్ని పాటలు రావాలని మనస్ఫూర్తి గా కోరుకుంటూ....నాలాగే ఇప్పటికీ మధుప్రియ గురించి తెలియని వారి కోసం ఈ వీడీయోలు...

6 వ్యాఖ్యలు:

భాను said...

ఈ పాట ఎప్పుడు వింటున్న కళ్ళు చెమర్చక మానవు. నాకు ఇష్టమయిన పాట. ఎక్కడ విన్న ఎన్నిమార్లు విన్న మల్లి మల్లి వినాలనిపించే పాట. రియాలిటీ షో లో పాడినప్పుడు, అక్కడున్న అందరు, చంద్రబోస్, సుద్దాల అశోక్ తేజ, అంకర్ సుమ, సునీత అందరు కాసేపతిదాక తేరుకోలేదు అది లైవ్ షో అయినప్పటిక. ఈ పాట పడుతూ ఆ అమ్మాయి వెక్కి వెక్కి ఏడుస్తుంటే, సుద్దాల అశోక్ తేజ న్యాయ నిర్ణేత అని కూడా మరిచిపోయి వచ్చి అక్కున చేర్చుకోవడం .....నిజమయిన కస్తాల్లోనించి వచ్చిన పాట అది....జనంలో ఎప్పుడు నానుతూ ఉంటుంది....ఆ అమ్మాయి ఈ పాట ఎప్పుడు పాడిన ఏడవకుండా ఉండదు....అంటే ఎంత బాధా పడిందో ...ఎంత బాధ పడితే ఆమె గుందేలోనించి ఈ పాట వచ్చిందో అర్థమవుతుంది....

said...

మంచి పిల్ల, బాగా పాటలు పడుతున్నది. అల్ ది బెస్ట్.

Anonymous said...

....ఆ అమ్మాయి ఈ పాట ఎప్పుడు పాడిన ఏడవకుండా ఉండదు....అంటే ఎంత బాధా పడిందో
-----------------------------------
ఏడ్వటం కూడా పాటలో ఆక్షన్ రొటీన్ అయ్యుంటుంది. ఎప్పుడూ ఏడ్చేవాళ్ళని అంత పెద్దగా పట్టించుకోనవసరం లేదు. సుధాకర్ అన్నట్టు కొన్ని బ్రతుకులు అంతే, ఎప్పుడూ మంది మీద పడి ఏడుస్తుంటాయి.

Anonymous said...

ఈ అమ్మాయి పాటలు బాగా పాడింది. ఉత్సహం గా చూడముచ్చట గా ఉంది. కాని ఎందుకో ఈ మధ్య విప్లవగీతాలు రోటిన్ గా అనిపిస్తున్నాది. కె.సి.యార్. గారి తెలంగాణా ఉద్యమం చూసాక వెనుక బాటునమ కూడా ఒక స్పాన్సర్షిప్ అని అనిపిస్తున్నాది. అభివృద్ది అనే పదం కెప్టలిస్ట్ లు డబ్బులు సంపాదించు కోవటానికి ఎలా ఉపయోగిస్తారో అలా వెనకబాటుతనం ఉద్యమ కారులకు అలా తయారయ్యింది. ఈ ఇరువర్గాలు కలసి మద్యం తాగే వారిని బాగా ఎక్కువ చేశారు. ఒకరు పేజ్3 కల్చర్,హై సోసైటి పేరు తో రెండవ వారు ఎప్పుడుపదితే అప్పుడుశాసన సభకు రిజైన్ చేసిఎలెక్షన్స్ పేరుతో.

మాలతి said...

అద్భుతంగా ఉంది, కల్పనా. పువ్వు పుట్టగానే పరిమళిస్తుందంటే ఇదే. నిజానికి సరస్వతీపుత్రిక అనాలి. నాకు చాలా సంతోషంగా ఉంది ఈవిషయం నలుగురికీ తెలియజేసినందుకు.

తెలుగుయాంకి said...

ఎంతో ఆత్మవిశ్వాసంతో మాటాడుతున్నది. చాలా చక్కగా పాట పాడుతున్నది.

 
Real Time Web Analytics